სამოქალაქო აქტივისტის, დავით ფუთურიძის ინფორმაციით, მას უცნობი პირები ქუჩაში თავს დაესხნენ.

როგორც აქტივისტი თავად ჰყვება, თავდამსხმელები უცნობი პირები იყვნენ, თუმცა, მათი ამოცნობა შეუძლია.

„სახლიდან გამოვედი, უნდა გავსულიყავი საქმეზე. გამოვიარე და ქუჩაში ერთი მაღალი, გამხდარი ტიპი იდგა, იქით იდგა ჩემზე ოდნავ დაბალი ტიპი. შლაგბაუმთან იდგა პირბადიანი ადამიანი. ამ დაბალმა მომიქნია ხელი ტელეფონზე რომ ვლაპარაკობდი, ტელეფონი დამაგდებინა. წინააღმდეგობის გაწევა დავიწყე და უკნიდან მომხვდა რაღაც საგანი, შევბარბაცდი და წავიქეცი. სახეზე ავიფარე ხელი და ორი წუთი, ალბათ, მირტყამდნენ. არცერთი არ მეცნობოდა, მაგრამ რომ ვნახო ახლა ვიცნობ. ტერიტორია მუქი ნაცრისფერი მერსედესით დატოვეს.

ერთი შეგინება გავიგონე. მეოთხე ადამიანიც თან ახლდათ, მძღოლი. ვუკავშირებ პოლიტიკურ აქტივობას, აქციებზე აქტიურად ვარ. რომ მომიტაცეს გრაფიტების დაწერის გამო, "მესიჯი" იყო მარტივი, გაჩუმდიო, რადგან არ გავჩუმდი და გავაგრძელე აქტიურობა, რაღაცნაირად უნდა გამსწორებოდნენ და მოიფიქრეს ეს.

აქ ერთი კვირაა აქ გადმოვედი, ფიზიკურად ვერ ეცოდინებოდა ვერავის, რადგან არსად ფიქსირდება, რომ აქ ვცხოვრობ. პოლიცია არ გამომიძახებია. არ ვთვლი, რომ რამე რეაგირება ექნება. ისეთი ქუჩაა, კამერები იქნება", - ამბობს დავით ფუთურიძე.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი