„აუცილებლად უნდა გამოვფხიზლდეთ. ჩვენ უნდა ვიდგეთ სწორ მხარს“ - ამის შესახებ სამედიცინო სფეროს წარმომადგენლებმა, გამართულ ბრიფინგზე ისაუბრეს, მედიკოსებმა მოუწოდეს სხვა კოლეგებსაც, რომ შეუერთდნენ დემონსტრაციას.

„ჩვენი ბრიფინგი არის ინფორმაციული, შეეხება იმ მნიშვნელოვან ღონისძიებას, რომელიც იგეგმება 15 თებერვალს, ევროპის მოედანზე, 18:00 საათზე. მე მოვუწოდებ თითოეულ ჩემ კოლეგას, სამედიცინო საზოგადოებას, რომ აუცილებლად უნდა გამოვფხიზლდეთ. ჩვენ უნდა ვიდგეთ საქართველოს სწორ მხარს, ქართველ მოსახლეობასთან ერთად იმისათვის, რომ მივიღოთ ყველა იმ მნიშვნელოვან საკითხზე პასუხი, რომელიც დგას საქართველოში. ქვეყანა კრიზისშია შესული, ფაქტობრივად.

მნიშვნელოვანია ხელახალი არჩევნები და პოლიტპატიმრების გათავისუფლება, რომლებიც ე.წ. სახელმწიფოს ტყვეობაში იმყოფებიან. შესაბამისად, ყველა ექიმისთვის, რომელთა ვალდებულებაც არის ადამიანების კეთილდღეობა, აუცილებელი არის 15 თებერვალს ევროპის მოედანზე გამოცხადება. ჩვენ გვაქვს მრავალი პეტიცია დაწერილი, რომელსაც ხელს აწერს ათასზე მეტი ექიმი და 18 სამედიცინო ასოციაცია, რომელიც ქართველი ხალხის გვერდით ამ ბრძოლაში დგას", - განაცხადეს სამედიცინო სფეროს წარმომადგენლებმა.“  

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი