თბილისის საქალაქო სასამართლოში ნარკოდანაშაულზე დაკავებულ რუსეთის ფედერაციის მოქალაქის, ანტონ ჩეჩინის სასამართლო პროცესი მიმდინარეობს.

დღევანდელ სხდომაზე მხარეები შესავალ სიტყვებს წარმოთქვამენ.

როგორც დაკავებულის ადვოკატი, გიორგი ჩხეიძე აცხადებს, ჩეჩინის დაკავება მის პოლიტიკურ აქტიურობას უკავშირდება.

მისივე თქმით, საქმეში მტკიცებულებები წარმოდგენილი არაა, მხარეს კი ნეიტრალურ მოწმედ თარჯიმანი ჰყავს წარმოდგენილი, რაც მისივე თქმით, კანონდარღვევაა.

ჩხეიძის განმარტებით, ჩეჩინს რუსეთის ფედერაციის წინააღმდეგ სტრასბურგის სასამართლოში დავა აქვს მოგებული.

„უკრაინაში რუსეთის შეჭრის შემდეგ ის გამოდიოდა ომის საწინააღმდეგო საპროტესტო აქციებში, თუმცა ომის დაწყებიდან სამ თვეში, თავისი უსაფრთხოებისთვის დატოვა რუსეთის ფედერაცია და ჩამოვიდა საქართველოში. დაიწყო მუშაობა არასამთავრობო ორგანიზაციაში, რომელიც საქართველოში ჩამოსულ უკრაინელებს ჰუმანიტარულ დახმარებას აწვდიდა. საქართველოში ჩამოსვლის შემდეგ დაინახა მსგავსება საქართველოსა და რუსეთის ხელისუფლებას შორის, რუსეთისა და საქართველოს ხელისუფლების მიერ მიღებულ კანონებს შორის და ჩაერთო აქციებში. ის მონაწილეობას იღებდა რუსული კანონის საწინააღმდეგო აქციებში და შემდეგ, უკვე არჩევნების შემდგომ საპროტესტო აქციებში", - განაცხადა ჩხეიძემ.

საქმის პროკურორის ნუგზარ ჭიტაძის განცხადებით, ჩეჩინმა ნარკოტიკული საშუალება „ალფაპევეპე“ - 4 გრამი უკანონოდ შეიძინა და უკანონოდ ინახავდა თბილისში, ქეთევან დედოფლის ქუჩაზე მდებარე კორპუსის მიმდებარედ.

ჭიტაძის თქმითვე, ნარკოტიკი ჩეჩინის პირადი ჩხრეკის შედეგად ამოიღეს.

პროკურორის თქმითვე, საქმეზე დაიკითხება გამომძიებელი და საგამოძიებო მოქმედებებში მონაწილე ყველა პირი, მათ შორის თარჯიმანი. ასევე გამოიკვლევენ ქიმიური და ბიოლოგიური ექსპერტიზის დასკვნებს.

ანტონ ჩეჩინის სასამართლო პროცესს ნორვეგიისა და გერმანიის საელჩოს წარმომადგენლები ესწრებიან.

შეგახსენებთ, ანტონ ჩეჩინი 2024 წლის 3 დეკემბერს დააკავეს. მას ბრალი სისხლის სამართლის კოდექსის 260-ე მუხლის მე-6 ნაწილით აქვს წარდგენილი, რაც განსაკუთრებით დიდი ოდენობით ნარკოტიკული საშუალებების შეძენა-შენახვა, ტარებას გულისხმობს და სასჯელის სახედ და ზომად 8-დან 20- წლამდე ან უვადო თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი