ხვალ, 24 იანვარს, რეჟიმის პატიმრების სოლიდარობისთვის დაგეგმილ მარშს მზია ამაღლობელის მხარდამჭერები შეუერთდებიან.

მზია ამაღლობელის კოლეგები და მხარდამჭერები 18:30 საათზე, ჟურნალისტური ეთიკის ქარტიის ოფისთან (ბაქოს ქუჩა #4) შეიკრიბებიან და მარჯანიშვილის მოედნისკენ დაიძვრებიან.

მარშის მონაწილეები პარლამენტისკენ გაემართებიან, სადაც სინდისის პატიმრების მხარდამჭერებთან ერთად გააგრძელებენ პროტესტს.

მზია ამაღლობელი პოლიციამ ბათუმში აქციაზე 11-12 იანვრის ღამეს ორჯერ დააკავა. ამაღლობელი პირველად სამმართველოს კედელზე სტიკერის გაკვრის გამო ადმინისტრაციულ სამართალდარღვევათა კოდექსის 173-ე მუხლით დააკავეს და ხელწერილით მალევე გაათავისუფლეს.

ამაღლობელი იმავე ღამეს მეორედ მას შემდეგ დააკავეს, რაც მან არაერთგზის შეურაცხყოფის შემდეგ სილა გააწნა ბათუმის პოლიციის უფროსს, ირაკლი დგებუაძეს. მას ბრალი სისხლის სამართლის კოდექსის 353-ე პრიმა მუხლის პირველი ნაწილით წარუდგინეს, რაც პოლიციელზე თავდასხმას გულისხმობს და 4-დან 7 წლამდე პატიმრობას ითვალისწინებს.

ავტორი: ექსპრესნიუსი,

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა