2025-01-13 16:20:49, 407 ნახვა

---

არასამთავრობოები 11-12 იანვარს თბილისსა და ბათუმში განვითარებულ მოვლენებზე ანგარიშს აქვეყნებენ

არასამთავრობო ორგანიზაციები 11-12 იანვარს თბილისსა და ბათუმში განვითარებულ მოვლენებზე ანგარიშს აქვეყნებენ. ანგარიშში ბოლო 2 დღეში განვითარებული მოვლენების გარდა აღნიშნულია, რომ არჩევნების შემდგომ დღემდე სახელმწიფომ ადმინისტრაციული წესით 480-ზე მეტი, სისხლის სამართლის წესით კი – 43 პირი დააკავა. 

“12 იანვარს პოლიციის მხრიდან უკანონო დაკავებები ხდებოდა როგორც თბილისში, ასევე ბათუმში. სულ დღის მანძილზე დააკავეს 16 ადამიანი – 7 ბათუმში და 9 თბილისში. მათგან გამოუშვეს მხოლოდ ელენე ხოშტარია და გიორგი კირთაძე, რადგან მათ დეპუტატის სტატუსი აქვთ, დანარჩენები გადაყვანილები არიან დროებით მოთავსების იზოლატორებში.

11 იანვარს ბათუმში ადმინისტრაციული წესით 10-ზე მეტი პირი, ხოლო სისხლის სამართლის წესით 1 პირი დააკავეს, ხოლო თბილისში კი ადმინისტრაციული წესით დააკავეს 1 პირი.

სულ არჩევნების შემდგომ დღემდე სახელმწიფომ ადმინისტრაციული წესით 480-ზე მეტი, ხოლო სისხლის სამართლის წესით – 43 პირი დააკავა”.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი