დღეს მაკა ჩიხლაძის და გიორგი შეწირულის საქმეზე მოწმის სტატუსით სპეციალურ საგამოძიებო სამსახურში დამიბარეს, იმიტომ, რომ მე ეთერში რამდენიმეს სახელი და გვარი დავასახელე,- ამის შესახებ „მთავარი არხის“ ჟურნალისტმა, ქეთა ციცქიშვილმა „TV პირველს“ განუცხადა.

ციცქიშვილის თქმით, წყაროს დასახელებას არ აპირებს.

„დღეს საგამოძიებო სამსახურში დამიბარეს მოწმის სტატუსით, მაკა ჩიხლაძის და გიორგი შეწირულის საქმეზე იმიტომ, რომ მე ეთერში რამდენიმეს სახელი და გვარი დავასახელე, ვინც არის სავარაუდო თავდამსხმელი, იმიტომ, რომ მომაწოდა ეს ინფორმაცია წყარომ, რა თქმა უნდა, მათი ამოცნობა შეძლეს. ამ ინფორმაციას მივაწვდი, თუმცა მათ კითხვა ექნებათ წყაროს შესახებც და მე, რა თქმა უნდა, გამოვიყენებ კანონით მინიჭებულ უფლებას და არ დავასახელებ წყაროს, იმიტომ, რომ ეს შეგვიძლია. 

ვიცით, რომ 2 კონკრეტული ადამიანის სახლში ჩხრეკა ჩატარდა და რეალურად ჯერ არაფერი არ გვიხილავს შედეგი ამ გამოძიების, წესით მათ უფრო კარგად უნდა იცოდნენ, ვინ იყო იქ, რადგან ბოლობოლო იქ თუ არა გვერდზე ქუჩაზე არის კამერები და ეს ადამიანები არ მგონია სულ ნიღბებით დადიოდნენ ყველგან. თვითონაც ძალიან კარგად იციან, ვინ არიან. ამიტომ, ველოდები ნაბიჯებს. ჩვეულებრივად მკვლელობის მცდელობა იყო. ეს არ ყოფილა უბრალოდ თავდასხმა და ცემა. ეს იყო მკვლელობის მცდელობა“,- განაცხადა ქეთა ციცქიშვილმა. 

შეგახსენებთ, 7 დეკემბერს, „TV პირველის“ ჟურნალისტ მაკა ჩიხლაძესა და ოპერატორ გიორგი შეწირულს ნიღბიანი პირები სამსახურებრივი მოვალეობის შესრულების დროს ფიზიკურად გაუსწორდნენ. ორივე მათგანი მიღებული დაზიანებებით ინგოროყვას კლინიკაში გადაიყვანეს.

სპეციალურმა საგამოძიებო სამსახურმა განცხადება გაავრცელა, სადაც ნათქვამია, რომ მაკა ჩიხლაძესა და ოპერატორ გიორგი შეწირულზე მომხდარ თავდასხმაზე გამოძიება საქართველოს სისხლის სამართლის კოდექსის 154-ე მუხლის მეორე ნაწილით დაიწყო.

ავტორი: ექსპრესნიუსი,

სოციალური ქსელები

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ