2024 წელს გლდანის რაიონში 7 მრავალფუნქციური სკვერი და 5 სპორტული მოედანი მოეწყო,- ამის შესახებ რაიონის გამგებელმა, ბესიკ კალაძემ გამგეობის მიერ ერთი წლის განმავლობაში შესრულებული საქმიანობის ანგარიშის პრეზენტაციაზე ისაუბრა.

მისი თქმით, ჯანსაღი ცხოვრების წესის ხელშეწყობის მიზნით, 5 მისამართზე სრულიად ახალი სპორტული მოედანი მოეწყო, 20 მისამართზე კი - რეაბილიტირდა.

„მიმდინარე წელს გლდანში მნიშვნელოვანი ინფრასტრუქტურული პროექტები განხორციელდა. მათ შორის, საგზაო ინფრასტრუქტურა 102 034 კვ.მ ფართობზე მოწესრიგდა; წყალარინებისა და სანიაღვრე ქსელი 25  მისამართზე მოეწყო; რაიონს 7 მრავალფუნქციური სკვერი შეემატა; სკვერებში დაზიანებული ინფრასტრუქტურის შეკეთება-რეაბილიტაცია 87 მისამართზე ჩატარდა; საბავშვო-გასართობი ატრაქციონები კი 4  მისამართზე განთავსდა; გრუნტის დამჭერი კედლის  და კიბე-პანდუსის მოწყობა 7 მისამართზე დასრულდა; 44 მისამართზე ჩატარდა სხვა ინფრასტრუქტურული სამუშაოები. ჯანსაღი ცხოვრების წესის ხელშეწყობის მიზნით, 5 მისამართზე სრულიად ახალი სპორტული მოედანი მოეწყო, 20 მისამართზე კი - რეაბილიტირდა“,- აღნიშნა ბესიკ კალაძემ.

ამასთან, გამგებლის ინფორმაციით, ოთხ მისამართზე საერთო სარგებლობის 20 აივნის გამაგრება განხორციელდა. შშმ პირებისთვის ლიფტისა და ელექტრო პანდუსის მოწყობის სამუშაოები კი  4 მისამართზე ჩატარდა.

ბინათმესაკუთრეთა ამხანაგობების დაფინანსების პროგრამის ფარგლებში, 2024 წელს  237  სხვადასხვა ინფრასტრუქტურული პროექტი შესრულდა. მათ შორის,  სახურავი და წყალსაწრეტი მილები 90  მისამართზე  შეიცვალა; 44 ლიფტის მოწყობა-რეაბილიტაცია განხორციელდა და 33 კორპუსის მიწისქვეშა კომუნიკაციები მოწესრიგდა.

მიმდინარე წელს გამგეობამ სხვადასხვა ტიპის კულტურული, სპორტული და საგანმანათლებლო 7 ღონისძიება ჩაატარა.  

პრეზენტაციას დედაქალაქის საკრებულოს წევრები, თბილისის მთავრობის წარმომადგენლები და სხვა მოწვეული სტუმრები დაესწრნენ.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი