პაციენტი მიღებულია სკალპის ღია ჭრილობით, შუბლისძვლის და თვალბუდის ზედა კიდის მოტეხილობით,- ამის შესახებ ინგოროყვას კლინიკის ექიმმა, ნინო ხარაიშვილმა აქციაზე დაშავებულ 21 წლის ახალგაზრდასთან დაკავშირებით განაცხადა.

როგორც ხარაიშვილმა მედიის წარმომადგენლებთან საუბრისას აღნიშნა, სამედიცინო დაწესებულებაში გადაყვანის შემდეგ მას ქირურგიული ჩარევა დასჭირდა.

„პაციენტი მიღებულია სკალპის ღია ჭრილობით, შუბლისძვლის და თვალბუდის ზედა კიდის მოტეხილობით, შუბლის წილის კონტუზიური დაზიანებით, შესაბამისად, თვალის კაკლების მთლიანობა ტრავმული დაზიანების გარეშე ამ დროისათვის შენარჩუნებულია. თავის ტვინის  გარსებში ტრავმული სისხლჩაქცევით, დაუყოვნებლივ გადაყვანილ იქნა საოპერაციო ბლოკში, ჩაუტარდა დაზიანებული ფრაგმენტების ამოკვეთა. ამ მომენტისათვის პაციენტის მდგომარეობა არის სტაბილური, აგრძელებს რეანიმაციაში მკურნალობას, ჩაუტარდა განმეორებითი კომპიუტერული ტომოგრაფია უარყოფითი დინამიკის გარეშე. ჭრილობაში არ იქნა ნანახი უცხო სხეული. პაციენტი შემოყვანილია, დაახლოებით, დილის 4 საათზე და დაუყოვნებლივ გადაყვანილი საოპერაციო ბლოკში. ამ ეტაპისთვის მისი მდგომარეობა შეესაბამება მის პოსტტრავმულ მდგომარეობას, იმყოფება მედიკამენტოზური ძილის ქვეშ, სტაბილური ჰემოდინამიკით. მართვით სუნთქვაზეა ბუნებრივად, იმიტომ, რომ იმყოფება მედიკამენტოზური ძილის ქვეშ“,- განაცხადა ექიმმა.

"ექსპრესნიუსის" ინფორმაციით, 21 წლის ალეკო თირქიას ოჯახი ემიგრაციაშია. ამ შემთხვევის გამო, ემიგრაციიდან ბრუნდება ახალგაზრდის დედა. თირქიები ზუგდიდში ცხოვრობენ.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო