შუახევში წარჩინებული მოსწავლეების დაჯილდოების ღონისძიება გაიმართა. ამის შესახებ ინფორმაციას შუახევის მუნიციპალიტეტის მერია ავრცელებს.

მათი ცნობით, შუახევის საჯარო სკოლების წარჩინებულ მოსწავლეებს კომპიუტერები შუახევის მერმა ომარ ტაკიძემ, საკრებულოს თავმჯდომარე როსტომ ლორთქიფანიძემ, საქართველოს პარლამენტისა და აჭარის უმაღლესი საბჭოს მაჟორიტარ დეპუტატებმა - ანზორ ბოლქვაძემ, ფრიდონ ფუტკარაძემ და რესურსცენტრის ხელმძღვანელმა ედუარდ გოგრაჭაძემ გადასცეს.

“ომარ ტაკიძემ მოსწავლეებს მიღწეული წარმატება მიულოცა და მადლობა გადაუხადა პედაგოგებსა და მშობლებს, რომლებმაც ახალგაზრდების წარმატებებში თავიანთი წვლილი შეიტანეს.

საქართველოს განათლების, მეცნიერებისა და ახალგაზრდობის სამინისტროს პროგრამის “ჩემი პირველი კომპიუტერის“ ფარგლებში წარჩინებულ,  საბაზო საფეხურის მოსწავლეებს კომპიუტერები ყოველწლიურად გადაეცემათ. პროგრამის  მიზანს მოსწავლეთა მოტივაციის ამაღლება და სკოლებში ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერება წარმოადგენს“,- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს