2024-10-13 12:57:33, 439 ნახვა

---

უკრაინის საჰაერო ძალები - რუსეთის მიერ გაშვებული 68 უპილოტო საფრენი აპარატიდან 31 ჩამოვაგდეთ

13 ოქტომბრის ღამეს, რუსეთმა უკრაინას 2 Іскандер-М-ის ტიპის ბალისტიკური რაკეტით, 2 Х-59-ის ტიპის მართვადი საჰაერო რაკეტითა და 68 უპილოტო საფრენი აპარატით შეუტია. ამის შესახებ ინფორმაციას უკრაინის საჰაერო ძალები Telegram-ზე ავრცელებს.

საჰაერო ძალების ცნობით, უკრაინამ 31 უპილოტო საფრენი აპარატის ჩამოგდება შეძლო.

მათივე ინფორმაციით, ბალისტიკური რაკეტებით თავდასხმა პოლტავისა და ოდესის, Х-59-ის ტიპის მართვადი საჰაერო რაკეტებით კი, ჩერნიგოვისა და სუმის ოლქებში განხორციელდა.

უპილოტო საფრენი აპარატების ჩამოგდება კიევის, პოლტავის, ჩერნიგოვის, სუმისა და ჩერკასის ოლქებში მოხდა.

თავდასხმის მოგერიებაში საზენიტო-სარაკეტო ძალები, ელექტრონული ომის დანაყოფები და უკრაინის საჰაერო ძალების და თავდაცვის ძალების მობილური საცეცხლე ჯგუფები მონაწილეობდნენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი