უკრაინის პრეზიდენტი ვოლოდიმირ ზელენსკი 7 ივნისს საფრანგეთის პრეზიდენტს, ემანუელ მაკრონს შეხვდება. ამის შესახებ ინფორმაციას უკრაინული მედია ავრცელებს.

მედიის ცნობით, მაკრონი ზელენსკის ელისეის სასახლეში შეხვდება, რათა განიხილოს „უკრაინის საჭიროებები“ რუსული სრულმასშტაბიანი აგრესიის ფონზე.

„იმ დროს, როდესაც რუსეთის თავდასხმები სტაბილურად ძლიერდება ფრონტის ხაზზე და ენერგეტიკულ ინფრასტრუქტურაზე, 2 პრეზიდენტი განიხილავს ადგილზე არსებულ სიტუაციას და უკრაინის საჭიროებებს“, - წერს მედია.

მათივე ინფორმაციით, სხვა საკითხებთან ერთად, დისკუსიები „უკრაინის მხარდასაჭერი კონფერენციის“ გაგრძელებაზეც იქნება.

გარდა ამისა, როგორც მედია აღნიშნავს, ცოტა ხნის წინ გავრცელდა ინფორმაცია, რომ საფრანგეთმა მიუხედავად ზოგიერთი მოკავშირის შეშფოთებისა და რუსეთის კრიტიკისა, შესაძლოა, მალე სამხედრო ინსტრუქტორები გაგზავნოს უკრაინაში. დადასტურებულია, რომ პარიზმა, შესაძლოა, ასეთი გადაწყვეტილება სწორედ ამ კვირის ბოლოს, ზელენსკის ვიზიტის დროს გამოაცხადოს.

ცნობისთვის, საფრანგეთის პრეზიდენტმა, ემანუელ მაკრონმა უკრაინის პრეზიდენტის, ვოლოდიმირ ზელენსკის ვიზიტის შესახებ გასულ კვირას გამოაცხადა, თუმცა უკრაინულ მხარეს ეს ჯერ არ დაუდასტურებია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი