2024-06-02 11:33:33, 684 ნახვა
ომი უკრაინაში
უკრაინის საჰაერო ძალები - რუსეთის მიერ გაშვებული 25 დრონიდან 24 ჩამოვაგდეთ
რუსეთმა, 2 ივნისის ღამეს, უკრაინას 25 "შაჰიდის" ტიპის დრონით შეუტია, მათგან 24 სამხედროებმა ჩამოაგდეს. ამის შესახებ ინფორმაციას უკრაინის საჰაერო ძალების მეთაური, გენერალ-ლეიტენანტი ნიკოლაი ოლეშჩუკი Telegram-ზე ავრცელებს.
როგორც ოლეშჩუკი სოციალურ ქსელში წერს, უპილოტო საფრენი აპარატები მიკოლაივის, ოდესის, ხერსონის, კიევის, ხმელნიცკის, დნეპროპეტროვსკის, კიროვოგრადისა და ვინიცის რაიონებში ჩამოაგდეს.
მისივე ცნობით, დრონების გარდა, რუსებმა უკრაინას "ისკანდერ-კ"-ს ტიპის ფრთოსანი და С-300-ის ტიპის საზენიტო მართვადი რაკეტებითაც შეუტიეს.
ავტორი: ექსპრესნიუსი,
epn.ge (@expressnews.ge)
