2021-03-11 14:42:59, 418 ნახვა

---

ეკატერინე ტიკარაძე - ყველასთვის მიუღებელი უნდა იყოს ფარული მიყურადება, ფარული ჩანაწერებით მანიპულირება

ირაკლი ღარიბაშვილი ამასთან დაკავშირებით თვითონ გააკეთებს კომენტარს, - ასე უპასუხა ჯანდაცვის მინისტრმა ეკატერინე ტიკარაძემ გავრცელებულ აუდიოჩანაწერებთან დაკავშირებით დასმულ კითხვას.

როგორც ეკატერინე ტიკარაძემ აღნიშნა, ყველასთვის მიუღებელია ფარული მიყურადება და ფარული ჩანაწერებით მანიპულირება.

„ირაკლი ღარიბაშვილი ამასთან დაკავშირებით თვითონ გააკეთებს კომენტარს. ჩვენი გუნდის არაერთმა წარმომადგენელმა გააკეთა ამასთან დაკავშირებით კომენტარი და მეც ვიზიარებ იმ აზრს, რომ ყველასთვის მიუღებელი უნდა იყოს ფარული მიყურადება და ფარული ჩანაწერებით მანიპულირება და ფალსიფიკაცია, ნებისმიერი მსგავსი ჩანაწერის.

ირაკლი ღარიბაშვილისთვის მედიაში ეს კითხვა დასმული არ ყოფილა, მაგრამ, დარწმუნებული ვარ, რომ როდესაც იქნება შესაძლებლობა, ის ამ კითხვას ღირსეულად უპასუხებს“, - განაცხადა ტიკარაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი