გიუმრიში მომხდარ ტრაგედიასთან დაკავშირებით, თბილისში, სომხეთის რესპუბლიკის საელჩოსთან, მოქალაქეებმა მშვიდობიანი აქცია გამართეს.

აქციის მონაწილეებმა საელჩოსთან ყვავილები მიიტანეს და სანთლები აანთეს.

როგორც აქციის ორგანიზატორმა გიორგი ჩინჩალაძემ „ექსპრესნიუსს“ განუცხადა, დღევანდელი აქცია არის სოლიდარობის გამოხატვა სომხეთის რესპუბლიკის მიმართ.

„ეს არის სოლიდარობის გამოხატვა ჩვენი სომეხი მოძმე ერის მიმართ. ღრმა მწუხარებას გამოვთქვამთ მომხდარ ტრაგედიასთან დაკავშირებით“, - განაცხადა ჩინჩალაძემ.

შეგახსენებთ, რუსმა ჯარისკაცმა სომხეთში, ქალაქ  გიუმრიში ოჯახის ექვსი წევრი და მათ შორის 2 წლის გოგონა  ავტომატური იარაღით დაცხრილა. გადარჩა მხოლოდ ექვსი თვის ჩვილი, რომელიც ამ დრომდე რეანიმაციაში იმყოფება. მისი მდგომარეობა მძიმეა.

მკვლელობაში ეჭვმიტანილი რუსულ ბაზაზე მომსახურე, რიგითი ჯარისკაცი ვალერი პერმიაკოვი მოგვიანებით  რუსმა მესაზღვრეებმა თურქეთის საზღვარზე დააკავეს.  

ჯარისკაცის სომხეთისთვის გადაცემის მოთხოვნით, გიუმრიში აქციები იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის