თბილისში, თამაზ ელიზბარაშვილის ძაღლების თავშესაფარში გაწმენდითი სამუშაოები მიმდინარეობს.

ძლიერი წვიმის შედეგად, გვიან ღამით, ადიდებული მდინარე ვერე ჯებირებიდან გადმოვიდა და თავშესაფარი დატბორა. არსებული ინფორმაციით, შემთხვევის შედეგად 12 ძაღლი დაიხრჩო.

ამასთან, დატბორილია თავშესაფრის სამი ავტომობილი, დაზიანდა ძაღლების ადგილსამყოფელიც.

მომხდართან დაკავშირებით თავშესაფრის ადმინისტრაციამ Facebook-ის გვერდზე განცხადება გაავრცელა: „ჩვენთვის ეს დილა არ შეიქნა მშვიდობიანი!
გვიან ღამით, ადიდებული მდინარე ვერე ჯებირებიდან გადმოვიდა და დატბორა თავშესაფარი.
საფრთხე შეუქმნა ჩვენი ბინადრების სიცოცხლეს. სამწუხაროდ, ყველა ბინადარის გადარჩენა ვერ შევძელით...
ახლა, როგორც არასდროს, ისე გვჭირდება თქვენი თანადგომა!
აღარ გეპატიჟებით, ვიცი რომ მოხვალთ!
ვაკე–საბურთალოს გზაზე, გივი სვანიძის 30 ნომერში!“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა