აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილის, ნინო ნიჟარაძის განცხადებით, ბათუმის ინფექციურ საავადმყოფოში 36 პაციენტიდან კორონავირუსზე 33-ის პასუხი უარყოფითია, 3-ის პასუხს კი დღის განმავლობაში ელოდებიან.

მისი თქმით, „მედალფაში“ კორონავირუსით ინფიცირებული 7 პაციენტია მოთავსებული, საიდანაც ერთის მდგომარეობა სტაბილურად მძიმეა.

„ „მედალფაში“ არის 7 დადასტურებული დაავადებული, რომელთაგანაც ერთ-ერთის მდგომარეობა რჩება სტაბილურად მძიმე. დანარჩენი 6 პაციენტის მდგომარეობა არის საშუალო და მსუბუქი სიმძიმის. რაც შეეხება 24 საათის განმავლობაში, ბათუმის ინფექციურ საავადმყოფოში გატარდა 36 პაციენტი. ესენი იყვნენ თვითდინებით შესული, ასევე საკარანტინე ზონიდან და ონლაინ კლინიკიდან გადამისამართებული პირები, რომელთაგანაც 33 შემთხვევაში მივიღეთ უარყოფითი კვლევის პასუხი, 3 შესაძლო შემთხვევა ახლა არის ლაბორატორიული კვლევის ფაზაში და დღის განმავლობაში გვეცოდინება მათ შესახებ ინფორმაცია“, - განაცხადა ნინო ნიჟარაძემ.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია