ირაკლი ღარიბაშვილი: მთავრობა მდგრადი მაკროეკონომიკური პოლიტიკის განხორციელებას განაგრძობს

2015-03-24 16:11:31, 664 ნახვა

ეკონომიკა

პრემიერ–მინისტრის ირაკლი ღარიბაშვილის განცხადებით, მიუხედავად რეგიონში მიმდინარე რთული პროცესებისა, საქართველო მდგრადი მაკროეკონომიკური და გააზრებული ფისკალური პოლიტიკის განხორციელებას განაგრძობს.

როგორც მან „ქორთიარდ მერიოტში“ დონორი ორგანიზაციების ხელმძღვანელებთან შეხვედრისას აღნიშნა, საქართველოს ეკონომიკური პოლიტიკის ძირითადი პრიორიტეტებია, ეკონომიკური თავისუფლების უზრუნველყოფა, ბიზნეს და საინვესტიციო გარემოს გაუმჯობესება, კერძო სექტორის კონკურენტუნარიანობის ზრდის ხელშეწყობა, მცირე და საშუალო ბიზნესისა და მეწარმეობის წახალისება.

„ჩვენ ველით, რომ ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების ამოქმედება მნიშვნელოვნად წაახალისებს პირდაპირ უცხოურ ინვესტიციებს, ხოლო ქართულ ბიზნესს ახალ პერსპექტივებსა და შესაძლებლობებს მისცემს“, – განაცხადა ღარიბაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან