„მიუხედავად იმისა, რომ მმართველი ძალის ხელშია საკონსტიტუციო უმრავლესობა, მიუხედავად იმისა პარლამენტი არ არის ისეთი წარმომადგენლობითი როგორი სურვილი და მოლოდინი შეიძლება ჰქონდა საზოგადოებას,  მაინც ბუნებრივია ეს არის ხალხის არჩევანი“,-ამის შესახებ პრეზიდენტის მრჩეველმა პოლიტიკურ საკითხებში ფიქრია ჩიხრაძემ მეცხრე მოწვევის პარლამენტის პირველი სხდომის დაწყების შემდეგ განაცხადა.

ჩიხრაძემ დეპუტატებს არჩევნებში  გამარჯვება კიდევ ერთხელ მიულოცა და საქართველოს საკეთილდღეოდ მოღვაწეობა უსურვა.

„მოლოდინები ყოველთვის არის უფრო უკეთესის, ვიდრე მანამდე იყო.  მიუხედავად იმისა, რომ მმართველი ძალის ხელში არის საკონსტიტუციო უმრავლესობა, მიუხედავად იმისა პარლამენტი არ არის ისეთი წარმომადგენლობითი როგორი სურვილი და მოლოდინი შეიძლება ჰქონდა საზოგადოებას   მაინც ბუნებრივია ეს არის ხალხის არჩევანი. ასეთ შემთხვევაში ჩვენ ყველანი განწყობილი ვართ საიმისოდ, რომ  ახალი პარლამენტის მოღვაწეობის პერიოდმა ჩაიაროს  ნაყოფიერად, რომ ინსტიტუციები  გაძლიერდეს. თქვენ იცით, რომ პრეზიდენტის გამოსვლაში ეს აქცენტები იყო.  უდიდესი მნიშვნელობა აქვს არა ვთქვათ მოდელების შერჩევას ამა თუ იმ ქვეყნიდან, არამედ  სწორედ ისეთი მოდელის შექმნას  საქართველოსთვის  და ისეთი მოდელის დამკვიდრებას, რომელიც  ჩვენი ტიპის დემოკრატიის ქვეყანაში  უზრუნველყოფს სწორედ იმას, რომ ბალანსისა და  გაწონასწორების  მეტი მექანიზმი არსებობდეს“,-განაცხადა ფიქრია ჩიხრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა