საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინსიტრმა სოზარ სუბარმა ტელეკომპანია "რუსთავი2" უარყოფით კონტექსტში მოიხსენია.
გადაცემა "არჩევანში" გუშინ ზურაბ ჟვანიასა და  ვაზაგაშვილების საქმეებზე გაჟღერებულ გარემოებებთან დაკავშირებით დასმულ შეკითხვაზე პასუხისას სუბარმა განაცხადა, რომ ის წამყვანის მოქმედებამ გააოგნა, რომელიც მინისტრის შეფასებით, ვაზაგაშვილის მკვლელის გამართლებასა და ზურაბ ჟვანიას პიროვნების დისკრედიტაციას სცდილობდა.
"გოგლა ჟვანიამ წუხელ რაც ილაპარაკა,  ამაზე ვერაფერს დავამატებთ, ამაში სიახლე არაფერი ყოფილა.  ბოდიშს ვიხდი ამისთვის ჟურნალისტებთან ზოგადად, რუსთავი2-თან განსაკუთრებით,  ნუ ჩამითვლით ამას ჟურნალისტებთან ნეგატიურ დამოკიდებულებაში, მე  გამაოგნა წამყვანის მცდელობამ, როგორმე გაემართლებინა გადაცემის პირველ ნახევარში ვაზაგაშვილის მკვლელი და ყველა მისი სიტყვა,  ციტატა,  მინიშნება ამაზე იყო მიმართული და მეორე ნახევარში როგორ მოეხდინა ზურაბ ჟვანიას სიკვდილის მცდელობა და მთელი მისი ჩაკითხვები მიმართული იყო აქეთკენ, რომ აბა კიდევ  როგორ მოვახდინოთ ამ ადამიანის დისკრედიტაცია. საქმე იყო გაყალბებული და ამ გაყალბებაში მთელი სახელისუფლებო ვერტიკალი მონაწილეობდა",-განაცხადა სოზარ სუბარმა.
ამასთან, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ განაცხადა, რომ დიდი იმედი აქვს, ზურაბ ჟვანიას საქმეზე გამოძიება თავის სათქმელს იტყვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი