2021-06-07 12:44:44, 924 ნახვა
კომენტარი
ნათია თურნავა - ალბათ, დადგება მომენტი, როცა ვიმსჯელებთ ღამის შეზღუდვის გაუქმებაზე
ალბათ, დადგება მომენტი, როცა ვიმსჯელებთ ღამის შეზღუდვის გაუქმებაზე, - ამის შესახებ ეკონომიკისა და მდგრადი განვითარების მინისტრმა, ნათია თურნავამ მთავრობის სხდომის დასრულების შემდეგ, ბრიფინგზე განაცხადა.
როგორც მინისტრმა განმარტა, საჭიროა რამდენიმე კვირა, რათა დააკვირდნენ სახმელეთო საზღვრის გახსნის შემდგომ ეპიდვითარებას.
„ალბათ დადგება ის მომენტი, როდესაც ჩვენ საერთოდ ვიმსჯელებთ ღამის შეზღუვის გაუქმებაზე, თქვენ იცით, რომ ეტაპობრივად ვამცირებთ, 11-მდე დავწიეთ, დილის 4 საათამდე ჩამოვწიეთ, ნელ-ნელა იქითკენ მივდივართ, მაგრამ ჯერ ახალი გახსნილია სახმელეთო საზღვრები, მაგრამ ერთი-ორი-სამი კვირა გვჭირდება, რომ დავაკვირდეთ“, - განაცხადა ნათია თურნავამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
