ვერშბოუ: საქართველო უახლოვდება ნატოს, მაგრამ გაწევრიანების ზუსტ თარიღთან დაკავშირებით, სპეკულაციას არ დავიწყებ

2015-01-30 16:41:13, 506 ნახვა

პოლიტიკა

საქართველო უახლოვდება ნატოს, მაგრამ გაწევრიანების ზუსტ თარიღთან დაკავშირებით, სპეკულაციას არ დაივიწყებ.

ამის შესახებ ნატოს გენერალური მდივნის მოადგილე ალექსანდრ ვერშბოუმ საქართველოს პრეზიდენტ გიორგი მარგველაშვილთან შეხვედრის შემდეგ გამართულ ერთობლივ პრესკონფერენციაზე განაცხადა.

მისივე განმარტებით, ნატო-ს "დედლაინის" შესახებ არასოდეს უთქვამს.

''უელსში მიღებული გადაწყვეტილება კიდევ უფრო ფოკუსირებულს ხდის საქართველოს ძალისხმევას ამ მიმართულებით. ჩვენ რაც ჩვენზეა დამოკიდებული გავაკეთებთ. საქართველო თავის გასავლელ გზას გაივლის. ქვეყანა უახლოვდება ნატოს, მაგრამ არ დავიწყებ სპეკულაციას გაწევრიანების ზუსტ თარიღთან დაკავშირებით.ჩვენ არასდროს გვითქვამს ''დედლაინის'' - საბოლოო ვადის შესახებ'', - განაცხადა ალექსანდრ ვერშბოუმ და აქვე დასძინა, რომ ნატო ყველაფერს გააკეთებს, რათა საქართველოს დასახული მიზნების მისაღწევად მეტი შესაძლებლობა გაუჩნდეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან