საინჟინრო ბრიგადაში აშშ-ის ევროპული სარდლობის (EUCOM) ფეთქებადი საბრძოლო მასალების გაუვნებელყოფის (EOD) ასეულის ინსტრუქტორების მიერ განაღმვის სწავლება დაიწყო.

თავდაცვის სამინისტროს ინფორმაციით, სწავლებაში საქართველოს შეიარაღებული ძალების საინჟინრო ბრიგადის ფეთქებადი საბრძოლო მასალების განადგურების (EOD) ასეულის სამხედრო მოსამსახურეები მონაწილეობენ.

სწავლება სამ ეტაპად ჩატარდება. პირველ ეტაპზე ქართველი სამხედრო ინჟინრები მრავალფუნქციური პორტატული რენტგენის აპარატის მუშაობას შეისწავლიან. რენტგენის აპარატით, რომელიც ქართულ მხარეს EUCOM-მა გადასცა, შესაძლებელია საეჭვო პაკეტების შემოწმება, აფეთქების შემდგომი კრიმინალისტიკური ექსპერტიზა, იარაღის შემოწმება, ტვირთისა და სატრანსპორტო საშუალებების ინსპექტირება. სწავლების მეორე ეტაპზე კი, შემოწმდება ინსტრუქტორების მომზადების სამივე ფაზის შედეგები და შემდეგ კი, ქვედანაყოფისთვის საჭირო სწავლებები დაიგეგმება.

EUCOM-ის მიერ დაგეგმილი სწავლება ნატოს ,,პარტნიორობა მშვიდობისათვის" ნდობის ფონდის პროექტ ,,საქართველო IV"-ის ფარგლებში დაიწყო. სწავლების დასრულების შემდეგ პირად შემადგენლობას შესაბამისი სერთიფიკატები გადაეცემათ.

(NS)

ავტორი: ,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია