აშშ-ის  თავდაცვის მდივნის თანაშემწის მოადგილე, ეველინ ფარკასი აშშ-ის სამხედრო სასწავლებლების მომავალ ქართველ მსმენელებს შეხვდა.

თავდაცვის სამინისტროს ინფორმაციით, ამერიკელმა სტუმარმა ახალგაზრდები საქართველოს თავდაცვის სამინისტროში თავდაცვის სფეროში მიმდინარე აშშ-საქართველოს ორმხრივი კონსულტაციების ფარგლებში გაიცნო.

ეველინ ფარკასი, თავდაცვის მინისტრის მოადგილე ლევან ღირსიაშვილი და აშშ-ის ელჩი რიჩარდ ნორლანდი ალექსანდრე წერეთელს, კონსტანტინე ყიფიანსა და რადიონ ცხაკაიას გაესაუბრნენ და წარმატებები უსურვეს. 

ახალგაზრდები მათი მონაცემების, აკადემიური მიღწევებისა და გასაუბრების საფუძველზე, ODC (თავდაცვის სფეროში თანამშრომლობის ოფისი) ჯგუფის წევრებმა შეარჩიეს. შედეგები აშშ-ის სანაპირო დაცვის აკადემიასა და  აშშ-ის საზღვაო ძალების აკადემიაში გადაიგზავნა. აშშ-ის სამხედრო სასწავლებლებიდან მიღებული დასტურის თანახმად, ალექსანდრე წერეთელი და კონსტანტინე ყიფიანი სწავლას აშშ-ის სანაპირო დაცვის აკადემიაში გააგრძელებენ. რადიონ ცხაკაიას კი აშშ-ის საზღვაო ძალების აკადემიაში სწავლის შესაძლებლობა მიეცემა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ