ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრ ვიქტორ დოლიძეს ვიზალიბერალიზაციის  შესახებ დღეს დაგეგმილ კენჭისყრასთან დაკავშირებით პოზიტიური მოლოდინი აქვს.

დოლიძე დარწმუნებულია, რომ ძალიან მალე საქართველოს მოქალაქეებს ევროპაში და შენგენის ზონაში უვიზოდ მიმოსვლის შესაძლებლობა ექნებათ.

„დღეს გაიმართება კენჭისყრა, მოლოდინი პოზიტიურია. გამოვრიცხავ რაიმე სიურპრიზებს, გარდა კარგი სიურპრიზისა, რომლის შემდეგაც უკვე ევროპარლამენტი უყრის კენჭს. ალბათ ეს მოხდება იანვრის ბოლოდან თებერვლის დასაწყისში და შემდეგ ტექნიკური პროცედურები დარჩება. მივდივართ გეგმაზომიერად და ძალიან მალე ჩვენი მოქალაქეები ევროპაში და შენგენის ზონაში უვიზოდ სიარულს დაიწყებენ“,-განაცხადა  დოლიძემ.

ცნობისთვის, LIBE-ს კომიტეტი საქართველოს ვიზალიბერალიზაციის საკითხს კენჭს დღეს უყრის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება