შინაგან საქმეთა სამინისტროს საექსპერტო-კრიმინალისტიკური დეპარტამენტის თბილისის და რეგიონული დანაყოფების 26 ექსპერტ-კრიმინალისტს ბათუმში, დანაშაულის ადგილის გამოძიების თემაზე ხუთდღიანი ტრენინგი ჩაუტარდა.

შსს-ს ინფორმაციით, სწავლება აშშ-ს სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს (INL) ოფისის ორგანიზებით, ჯორჯიის შტატის გამოძიების ბიუროს (GBI) ექსპერტებმა ჩაატარეს.

ტრენინგი პრაქტიკულ და თეორიულ მეცადინეობებს მოიცავდა. სწავლების მიზანი იყო კრიმინალისტებისათვის დანაშაულის ადგილის დათვალიერების სხვადასხვა მეთოდის გაცნობა, კერძოდ: დოკუმენტირება, ჩანაწერების წარმოება, ნახაზის აგება და ფოტოგადაღება.

სწავლების დასრულების შემდეგ, ექსპერტ-კრიმინალისტებს შესაბამისი სერტიფიკატები გადაეცათ.

შსს-ს თანამშრომლებისთვის მსგავსი ტიპის ტრენინგების ჩატარება მომავალშიც იგეგმება. დანაშაულის ადგილის გამოძიების თემაზე გადამზადების კურსები უკვე 106 კრიმინალისტმა გაიარა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონის „არსენალისა“ და ავსტრიის ნაკრების ყოფილი მეკარე ალექს მენინგერი ავტოკატასტროფაში დაიღუპა

ტრამპმა ისრაელსა და ლიბანს შორის საომარი მოქმედებების 10-დღიანი შეჩერების შესახებ განაცხადა

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო