"პანორამა თბილისის" საწინააღმდეგო აქციაზე რამდენიმე პირი, მათ შორის ალეკო ელისაშვილი დააკავეს

2016-05-07 14:09:30, 758 ნახვა

სამართალი

„პანორამა თბილისის“ საწინააღმდეგო აქციაზე სამართალდამცველებმა რამდენიმე პირი, მათ შორის საკრებულოს დამოუკიდებელი დეპუტატი ალეკო ელისაშვილი დააკავეს.

აქციის მონაწილეები, იმ ტერიტორიაზე შესვლას ითხოვდნენ, სადაც "პანორამა თბილისის" მშენებლობა მიმდინარეობს, თუმცა მათ ამის საშუალებას სამართალდამცველები არ აძლევდნენ.

აქციის მონაწილეებმა ცოცხალი ჯაჭვი გააკეთეს და პოლიციის კორდონს მიაწვნენ, რის შემდეგაც სამართალდამცველებმა რამდენიმე პირი დააკავეს.

ცნობისთვის, კოჯრის გზატკეცილზე „პანორამა თბილისის“ საწინააღმდეგო აქცია მიმდინარეობს. მონაწილეებს ადგილზე აქვთ ბანერები წაწერით: „არა პანორამას“, „ქალაქი ჩვენია“.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან