მაუდის კომბინატის აქციონერები  მთავრობის ადმინისტრაციაში შეიკრიბნენ. მათ პრემიერმინისტრ გიორგი კვირიკაშვილთან შეხვედრა სურთ.

ისინი გიორგი კვირიკაშვილისგან მიხეილ სააკაშვილსა და ბადრი პატარკაციშვილის მეუღლეს, ინა გუდავაძეს შორის  დადებული მემორანდუმის ბათილად ცნობას ითხოვენ. 

"მიხეილ სააკაშვილსა და ინა გუდავაძეს შორის დადებული მემორანდუმის გაუქმებას ვითხოვთ.თვითონ აღმასრულებელმა ხელისუფლებამ აღიარა, რომ ეს ხელშეკრულება იყო ამორალური, რომელიც  საქართველოს კანონმდებლობას ეწინააღმდეგება. იმედის სანაცვლოდ რაღაც ქონებები გაცვალ-გამოცვალო, ეს მემორანდუმია. ამის გაუქმებას ვითხოვთ. ამ ხელშეკრულებამ პირდაპირი, უშუალო და ინდივიდუალური ზიანი მიაყენა  აქციონერების უფლებებს. სულ 2508 აუქციოენერია. მათ წილის 49% წაართვა თავის დროზე ბადრი პატარკაციშვილმა, მოატყუა მაუდის აუქციონერები, რომ თვითონ  გამოისყიდიდა ამ ხალხის აქციებს და შემდეგ მისცემდა  მათ. მან ხელშეკრულების არც ერთი პირობა არ შეუსრულა ხალხს, არც მთავრობას და საკუთრების მოწმობა მაინც მიიღო. 2011 წლის 6 ივნისს, პარიზის საერთაშორისო სამართალში დადეს ხელშეკრულება სააკაშვილმა და  ინა გუდავაძემ, რომ იმედის მაგივრად, მომეცი  მაუდი, მეტალურგია. მანაც უპირობოდ გადასცა.ამით მაუდის აქციონერებს წაერთვათ უფლება წილის იმ 49% დაბრუნების, რომელიც თავის დროზე ბადრი პატარკაციშვილმა წააართვათ.
როცა ივანიშვილი პრემიერმინისტრი იყო, ჩაიხედა ამ ხელშეკრულებაში და თქვა- თმები მაღლა წამივიდა, ეს რაზე თანხმდებოდნენ  კერძო პიროვნება და ხელისუფლება ერთმანეთთანო. ახლა მეც ვეკითხები ბატონ ივანიშვილს და კვირიკაშვილს, რომლებიც ერთამენთთან ძალიან ახლოს არიან, რა დალაგდა ყველაფერი? 
ინა გუდავაძეს მივმართეთ. მან გადამამისამართა ირაკლი რუხაძესთან, რომელიც არის ბადრი პატარკაციშვილის და ახლა ინა გუდავაძის უფლებამონაცვლის მთელი ქონების  განმკარგავი.მან რატომ გადამამისამართა არვიცი, რადგან ირაკლი რუხაძე აქ არაფერ შუაშია, მას უნდა გადაეწყვიტა ეს საქმე. ირაკლი რუხაძე არის ერთ-ერთი ყველაზე თაღლითი პიროვნება, რომელიც  აღმასრულებელ ხელისუფლებასთან ძალიან დაახლოებული პირია. მას ყველგან მიუწვდება ხელი. მან მითხრა, რაღა თქვენ მოგცეთ მილიონები, 100 000 დოლარს დავხარჯავ ხელისუფლებასთან და დანარჩენი უკან დამრჩება. ამ პიროვნებასთან აქვთ საქმე, ეს პიროვნება უნდათ ხელისუფლებაში მოიყვანონ?! ჯოჯოხეთს ერთი მუგუზალიღა აკლდაო,  ზუსტად ასეა ჩვენი ხელისუფლების საქმე. მას თურმე ცოტა ადრე პრემიერმინისტრობა უნდოდა. ის საკმაოდ გავლენიანი პიროვნებაა. ვისაც ფული აქვს, ის არის ყველაფრის განმკარგავი, ასე ფიქრობს. ნახევარი საქართველო ალბათ მათ ხელშია. აგერ იყიდა "მაესტრო". მე პირდაპირ ვეუბნები ირაკლი რუხაძეს, 10 ტელევიზიაც რომ იყიდოს მან და ივანიშვილმა, ვეღარ მოატყუებენ ხალხს თავიანთი ცრუ დაპირებებით. ამ ხელისუფლებამ სამართლიანობა მხოლოდ ოლიგარქებს აღუდგინა. დანარჩენები დატოვა ისე, ხალხს დაშორდა ხელისუფლება. 
პრემიერს ვთხოვ, ის ხელშეკრულება ან უნდა გააუქმონ, ბათილად უნდა ცნონ, ანდა ზიანი  აუნაზღაურონ ამ ხალხს",-განაცხადა მაუდის აქციონერების უფლებადამცველმა ირმა ვაჭარაძემ.

მათ მთავრობის ადმინისტრაციის წარმომადგენლები- ზაზა თაქთაქიშვილი და ამირან გვაზავა შეხვდათ, თუმცა აქციის მონაწილეები მიიჩნევენ, რომ ეს საკითხი უშუალოდ გიორგი კვირიკაშვილის გადასაწყვეტია. 

"ეს საკითხი პირველი პირის გადასაწყვეტია. მხოლოდ ვითხოვ, კანონიერია თუ არა ეს ხელშეკრულება, თუ არაკანონიერია, უნდა გაუქმდეს. მე არ ვარ ამ ხელშეკრულების მონაწილე პირი, მე-3 პირი ვარ, ამას არც მიიღებს სასამართლო.მონაწილე პირია იუსტიციის სამინისტრო და ინა გუდავაძე. მათ უნდა მიმართონ საარბიტრაჟო სასამართლოს. პირველი ინსტანციის სასამართლომ მე არ დამიკმაყოფილა და მიპასუხა, რომ ჯერ გასარკვევია, ეს ხელშეკრულება არის თუ არა კანონიერი. სწორედ, კანონიერების დადგენას ვითხოვთ",-აღნიშნა ირმა ვაჭარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს

რეჟიმის აგენტების კანონი, წითელი ჯვრის და საფინანსო ინსტიტუტების გაცემულ გრანტებზე არ იმუშავებს

რადიკალებმა რომლებიც ბოლნისის მერიის თანამშრომლები არიან, ბიჭს აიათოლაზე დაწერილი პოსტის გამოც გაუსწორდნენ