პროკურორ ლაშა კოტრიძის განცხადებით, ჯერჯერობით უცნობია,  რა ვითარებაში მოიპოვა  ზურაბ ჯამალაშვილმა პირადი ცხოვრების შემცველი ფარული ვიდეომასალა. მისივე თქმით, გამოძიება სწორედ  პირველადი წარმომავლობის წყაროს დადგენას ცდილობს. 

„დადგენილია, რომ ეს ვიდეო კონკრეტულად ჯამალაშვილის სახლში ინახებოდა. შემდგომ გადაეცა ფხალაძეს, რომელმაც გადასცა ინგა ჩატოიანს. ჩატოიანიდან ხაჭაპურიძეზე გავლით, საბოლოო ჯამში აღმოჩნდა გელა ღურწკაიასთან, რომელმაც მიიტინა  „ქრონიკა +“-ის ოფისში. ვისგან მოიპოვა ჯამალაშვილმა ვიდეო, ამის შესახებ კონკრეტული პირი დადგენილი არ არის“, - განაცხადა პროკურორმა.

მისივე თქმით, ჯერჯერობით ამ საქმესთან ჯამალაშვილის შვილის კავშირი არ იკვეთება.

პროკურორის განმარტებით, დაკავების მომენტში ჩხრეკის შედეგად ჯამალშვილის სახლიდან ამოღებილია ლეპტოპი, ლაზერული დისკები და მეხსიერების ბარათები, რომელზეც დანიშნულია ექსპერტიზა, რის შემდეგაც გაირკვევა, იყო თუ არა მასზე რაიმე ინფორმაცია განთავსებული.

 რაც შეეხება, ირაკლი ფხალაძეს სახელმწიფო ბრალდების წარმომადგენლის განცხადებით, ჩხრეკის შედეგად ფხალაძის საცხოვრებელი სახლიდან ამოიღეს კონკრეტული ვიდეოები.

"უშუალოდ ჯამლაშვილის სახლიდან ვიდეოს ამოღება არ მომხდარა, თუმცა ეს ის ვიდეოა, რაც მის სახლში ინახებოდა“, - დასძინა ლაშა კოტრიძემ.

მისივე ინფორმაციით, ინგა ჩატოიანის მიმართ სისხლის სამართლებრივი დევნა დაწყებულია. უახლოეს მომავალში ბრალდების მხარე სასამართლოს  მისთვის აღკვეთის ღონისძიების შეფარდების საკითხზე მიმართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა