2025-02-13 09:49:47, 610 ნახვა
ომი უკრაინაში
უკრაინამ რუსეთის ტერიტორიას 80-ზე მეტი დრონით შეუტია
საჰაერო თავდაცვის სისტემებმა, გასული ღამის განმავლობაში, რუსეთის რეგიონებში 83 უკრაინული დრონი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.
„გასული ღამის განმავლობაში საჰაერო თავდაცვის სისტემებმა 83 უკრაინული უპილოტო საფრენი აპარატი გაანადგურეს “, - ნათქვამია უწყების ინფორმაციაში.
მათივე განმარტებით, 37 დრონი ბრიანსკის ოლქში ჩამოაგდეს, 12 - კურსკისა და ლიპეცკის ოლქებში, 9 - ტვერის ოლქში, სამ-სამი - ბელგოროდის, კალუგას, სმოლენსკისა და ვორონეჟის ოლქებში, როსტოვში კი ერთი დრონი გაანადგურეს.
ავტორი: ექსპრესნიუსი,
epn.ge (@expressnews.ge)
