18 აგვისტოს ღამეს, რუსეთის ფედერაციის როსტოვის ოლქში მდებარე ქარხანა "კავკაზზე" თავდასხმა განხორციელდა. ამის შესახებ ინფორმაციას უკრაინული მედია ქვეყნის გენერალური შტაბის განცხადებაზე დაყრდნობით ავრცელებს.

გენშტაბის ცნობით, უკრაინელების დარტყმის შედეგად, ობიექტის ტერიტორიაზე, ხანძრის, სულ მცირე, 2 კერა დაფიქსირდა.

"აქ ინახებოდა ნავთობი და ნავთობპროდუქტები, რომლებიც ასევე რუსული საოკუპაციო ჯარის საჭიროებებისთვის იყო მომარაგებული...

დავალება შეასრულეს უკრაინის თავდაცვის სამინისტროს მთავარი სადაზვერვო სამმართველოს ძალებმა უკრაინის თავდაცვის ძალების სხვა კომპონენტებთან თანამშრომლობით. მიმდინარეობს რუსეთის ფედერაციის სამხედრო-ეკონომიკური პოტენციალის დაქვეითების ღონისძიებები. გაგრძელება იქნება",- აღნიშნულია გენშტაბის განცხადებაში.

პარალელურად, რუსული სამთავრობო-პროპაგანდისტული მედია "რია ნოვოსტი" როსტოვის ოლქის გუბერნატორზე, ვასილი გოლუბევზე დაყრდნობით იტყობინება, რომ ხანძარი უკრაინის მიერ გაშვებული უპილოტო საფრენი აპარატების ნამსხვრევების ჩამოვარდნამ გამოიწვია. 

მათივე ინფორმაციით, შემთხვევის შედეგად არავინ დაშავებულა და ამ დროისთვის ადგილზე მეხანძრე-მაშველები მუშაობენ.

ავტორი: ექსპრესნიუსი,

სოციალური ქსელები

ათობით დაჭრილი, კიევი, ხარკოვი, ოდესა და დნიპრო რუსი ოკუპანტების დაბომბვის ქვეშ მოექცნენ

ლენინგრადის გუბერნატორმა განაცხადა, რომ რეგიონი „ფრონტის ხაზად“ იქცა

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო