ლევან გვაზავას ოჯახის ადვოკატის, დარეჯან გილაშვილის განცხადებით, მისთვის და ოჯახისთვის ამ ეტაპზე უცნობია, რა მოხდა შემთხვევის ადგილზე.

გილაშვილმა ჟურნალისტებთან კომენტარი ინგოროყვას საუნივერსიტეტო კლინიკასთან გააკეთა. მისი თქმით, გვაზავა გენერალი იყო და მას ჰქონდა ცეცხლსასროლი იარაღის შეძენა-შენახვა-ტარების უფლება.

ამასთან, ადვოკატს ამ ეტაპზე ოფიციალურად პროკურატურისათვის ორდერით არ მიუმართავს და საქმის მასალებს არ იცნობს.

"ჩემთვის როგორც ოჯახის ადვოკატისთვის, ასევე თავად ოჯახისთვის უცნობია რა მოხდა შემთხვევის ადგილზე. გამოძიება მიმდინარეობს და უნდა დაველოდოთ გამოძიების შედეგებს. ოფიციალურად პროკურატურისათვის ორდერით არ მიმიმართავს და საქმის მასალებს ჯერ არ გავცნობივარ. ჩემთვის უცნობია რა მუხლით არის საქმე აღძრული", - განაცხადა დარეჯან გილაშვილმა.

მისივე თქმით, მომხდართან დაკავშირებით ბევრი ვერსია ფიგურირებს, თუმცა ოჯახმა არ იცის რომელი ვერსიაა სწორი.

"შემთხვევის ადგილზე მყოფ მოწმეებთან კონტაქტი ჯერ არ მქონია. შემთხვევის ადგილზე სავარაუდოდ, სამი ან ოთხი იპირი იმყოფებოდა - ლევან გვაზავა, გარდაცვლილი და კიდევ ერთი, ან ორი სხვა პირი", - აღნიშნა ადვოკატმა.

ოქროყანაში მომხდარ შემთხვევაზე გამოძიება სისხლის სამართლის საქმეზე განზრახ მკვლელობის და ცეცხლსასროლი იარაღის უკანონოდ შეძენა-შენახვის ფაქტზე მიმდინარეობს, საქართველოს სისხლის სამართლის კოდექსის 108-ე და 236-ე მუხლის მეორე და მესამე ნაწილით გათვალისწინებული დანაშაულის ნიშნებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა