თბილისის საქალაქო სასამართლოში „თავისუფალი ზონის“  წევრების  სასამართლო პროცესის დასრულების შემდეგ ხმაური იყო.

როგორც ადგილიდან „ექსპრესნიუსის“ კორესპონდენტი იუწყება, ხმაური გიგა ბოკერიას გამოჩენამ გამოიწვია, რომელიც პროცესს ესწრებოდა.

 „თავისუფალი თაობის“  წევრებმა გიგა ბოკერიას სიტყვიერი შეურაცხყოფა მიაყენეს და მას მოღალატე  ეძახეს. „თავისუფალი ზონის“  წევრებმა კი საპასუხოდ მათ პრემიერის 20 ლარიანი ტიტუშკები უწოდეს.

მოსამართლე ხატია არდაზიშვილმა „თავისუფალი ზონის“  წევრ ფარნაოზ  ჭკადუას პროცესი შეუჩერა ხოლო, დანარჩენი ოთხი წევრი 100 ლარით დააჯარიმა.

„თავისუფალი ზონის“  წევრებმა საქალაქო სასამართლოს  ტერიტორია უკვე დატოვეს. ისინი საპატრულო  პოლიციის თანამშრომლებმა გააცილეს.

თბილისის საქალაქო სასამართლოში  „თავისუფალი თაობის“ ლიდერის ლადო სადღობელაშვილის სასამართლო პროცესიც გაიმართა. მას სასამართლომ 100 ლარიანი ჯარიმა შეუფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოლდოვა ოფიციალურად ტოვებს დსთ-ს

ევროკომისია აპირებს, უნგრეთისგან კრემლისთვის ინფორმაციის გაჟონვის შესახებ ახსნა-განმარტება მოითხოვოს

ჩინეთი აშშ-სა და ირანს შორის ცეცხლის შეწყვეტის გარანტორის როლს ასრულებდა

ტრამპმა ევროპას ულტიმატუმი წაუყენა, რომ ჰორმუზის სრუტეში ჯარები გააგზავნონ