შინაგან საქმეთა მინისტრი გიორგი მღებრიშვილი საქართველოში შვედეთის ელჩს მარტინა ქვიკს შეხვდა.

სამინისტროს ინფორმაციით, შეხვედრაზე საქართველოს და შვედეთს შორის არსებული და დაგეგმილი ორმხრივი თანამშრომლობის პერსპექტივებზე ისაუბრეს.

შს მინისტრმა იმედი გამოთქვა, რომ საქართველოს და შვედეთის  სამართალდამცავ სტრუქტურებს შორის ურთიერთობები კიდევ უფრო გაღრმავდება, ორმხრივი კონტაქტების, ხელშეკრულებებისა და ინტერპოლის მეშვეობით.

გიორგი მღებრიშვილმა და მარტინა ქვიკმა საქართველოს მიერ წარმატებით განხორციელებულ ვიზალიბერალიზაციის სამოქმედო გეგმაზეც ისაუბრეს. მხარეებმა ასევე ხაზი გაუსვეს არალეგალური მიგრაციისა და ორგანიზებული დანაშაულის წინააღმდეგ ერთობლივი ბრძოლის მნიშვნელობას.
მარტინა ქვიკმა კიდევ ერთხელ დაადასტურა შვედეთის ხელისუფლების მხარდაჭერა საქართველოს ევროპული ინტეგრაციისადმი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს

ომბუდსმენმა ამაღლობელისა და მომიტინგეების საკითხი ევროპის საბჭოს კომისართან განიხილა