გიგი უგულავა ქართული ოცნების პრემიერ-მინისტრის ირაკლი კობახიძის უნგრეთში ვიზიტს გამოეხმაურა. მისი თქმით, მაშინ როცა ერი მგლოვიარეა ილია მეორის გარდაცვალების გამო, კობახიძის ბუდაპეშტში გამგზავრება უადგილოა და ის უკავშირდება კონსერვატიული პოლიტიკური მოქმედების კონფერენციას (CPAC), რომელსაც, აშშ-ის ვიცე-პრეზიდენტი ჯეი დი ვენსიც დაესწრება.

"ოცნების აშშ შეტენვის ოპერაცია გრძელდება. კობახიძე ამ მგლოვიარობის ჟამს უნგრეთში ჩავიდა. ალბათ ხვდებით რომ ორბანს ის არჩევნებში ვერ დაეხმარება. სიმართლე ისაა, ბუდაპეშტში კონსერვატორული კონფერენცია ტარდება. (CPAC) მას აშშ ვიცეპრეზიდენტი ვენსი დაესწრება. აი ნამდვილი მიზეზი თუ რატომ გავარდა უწმინდესის დამკრძალავი კომისიის თავმჯდომარე უნგრეთს. ბატონო ირაკლი, არ გამოვა ორთა ბატონთა მსახურება", - დაწერა უგულავამ სოციალურ ქსელში

დღეს, ქართულიოცნების პრემიერ-მინისტრი ბუდაპეშტში ჩავიდა, სადაც უნგრეთის პრემიერ-მინისტრს ვიქტორ ორბანს შეხვდა. "პრემიერ-მინისტრი უნგრეთში დღეს მონაწილეობას მიიღებს კონსერვატიული პოლიტიკური მოქმედების კონფერენციაში (CPAC). მთავრობის მეთაურის სიტყვით გამოსვლა კონფერენციაზე სრულიად საქართველოს კათოლიკოს-პატრიარქს დაეთმობა", - ნათქვამია პრესსამსახურის განცხადებაში

ავტორი: ექსპრესნიუსი,

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ