საქართველოს შეიარაღებული ძალების სპეციალური ოპერაციების ძალების ბაზაზე ქართულ-ამერიკული ერთობლივი სწავლება დასრულდა. საზეიმო ცერემონიალი ვაშლიჯვრის სამხედრო ბაზაზე გაიმართა. ცერემონიალს საქართველოს გენერალური შტაბის უფროსი, გენერალ-მაიორი ვახტანგ კაპანაძე, თავდაცვის მინისტრის მოადგილე ანა დოლიძე და ამერიკის სამხედრო ატაშე საქართველოში, პოლკოვნიკი მეთიუ დიმიკი დაესწრნენ. ერთობლივი წვრთნების დასრულებისადმი მიძღვნილ ცერემონიალზე ქართველ სამხედროებს ამერიკულმა მხარემ მადლობის სიგელები გადასცა.
თავდაცვის მინისტრის მოადგილემ ქართველ და ამერიკელ სამხედროებს წვრთნების დასრულება მიულოცა და ქართულ-ამერიკული სამხედრო თანამშრომლობის მნიშვნელობაზე ესაუბრა.
„ეს არის ერთ-ერთი ეტაპი, ჩვენი და აშშ-ს ძალიან აქტიური თანამშრომლობის. მნიშვნელოვანია, რომ ჩვენ მუდმივად გავაგრძელოთ მუშაობა საკუთარ თავზე. დავეუფლოთ ახალ ტექნიკას, შევისწავლოთ ახალი მეთოდები, გავიგოთ ახალი სამხედრო საშუალებების შესახებ. პოლიტიკურად ამ ტიპის თანამშრომლობას ძალიან დიდი მნიშვნელობა აქვს. ჩვენ უნდა გვქონდეს მჭიდრო ურთიერთთანამშრომლობა ერთმანეთთან“ - აღნიშნა ანა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ