საქართველოს იუსტიციის მინისტრმა თეა წულუკიანმა დაბა კაზრეთში საზოგადოებრივი ცენტრის მშენებლობა მოინახულა.

მინისტრი ადგილზე გაეცნო პროცესის მიმდინარეობას და იქ დასაქმებულ პერსონალს გაესაუბრა.  

„დაბა კაზრეთში ჩვენ ვაშენებთ მორიგ საზოგადოებრივ ცენტრს, რომელიც მაისში უნდა დასრულდეს, და ეს ემსახურება იმავე მიზანს, რასაც საზოგადოებრივი ცენტრები სხვა რაიონებში, მუნიციპალიტეტებსა და სოფლებში ემსახურება − რომ იუსტიციის სახლში არსებული საჯარო და კერძო სერვისები არ იყოს მხოლოდ ქალაქის ფუფუნება და იმ რაიონში, სადაც ბევრი კორპუსია, ცხოვრობენ  ბავშვები, ახალგაზრდა თაობა და პენსიონერები, 200-ზე მეტი სერვისი იყოს ხელმისაწვდომი − ბანკი იქნება ეს, პასპორტი, პირადობის მოწმობა თუ სხვა სერვისი“, − განაცხადა თეა წულუკიანმა.

იუსტიციის მინისტრთან ერთად, დაბა კაზრეთში სახელმწიფო სერვისების განვითარების სააგენტოს ხელმძღვანელი შიო ხეცურიანი და ადგილობრივი თვითმმართველობის წარმომადგენლები იმყოფებოდნენ.

ცნობისთვის, კაზრეთის საზოგადოებრივი ცენტრი რიგით  21-ე ცენტრი იქნება. 200-ზე მეტი მომსახურების მიღება სოფლიდან გაუსვლელად უკვე შეუძლია კაჭრეთის, ყვარელწყლის/დუისის, მუხაესტატეს, გეგუთის, მეჯვრისხევის, შაშიანის, სართიჭალის, გომის, რუისის, ხევის, მანგლისის, კოდას, შორაპნის, ნიგოეთის, ჭალადიდის, ჯვრის, ფოკას, ხიდისთავის, ნუკრიანისა და კორბოულის მოსახლეობას. თეა წულუკიანის თქმით, კაზრეთის შემდეგ საზოგადოებრივი ცენტრი სოფელ შილდაში გაიხსნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს