გიორგი მღებრიშვილი: ჩვენმა ხელისუფლებამ პატიმრებს თუ რამე დაუბრუნა, ეს არის პირველ რიგში ღირსება

2015-07-03 17:29:10, 711 ნახვა

კომენტარი

"ჩვენმა ხელისუფლებამ პატიმრებს თუ რამე დაუბრუნა, ეს არის პირველ რიგში ღირსება",-ამის შესახებ სასჯელაღსრულებისა და პრობაციის მინისტრმა გიორგი მღებრიშვილმა სახალხო დამცველის განცხადებასთან დაკავშირებით აღნიშნა, რომლის მიხედვითაც, ქალთა დაწესებულებებში ღირსების შემლახველი ქმედებები ხორციელდება.

"ერთი რამ ცალსახად შემიძლია გითხრათ, დადასტურებით, რომ ჩვენმა ხელისუფლებამ პატიმრებს თუ რამე დაუბრუნა, ეს არის პირველ რიგში ღირსება. იმისთვის არ დაგვიბრუნებია, რომ უკან წავართვათ. თუ ვინმე რაიმე გადაცდომას ჩაიდენს, ჩვენ მზად ვართ, ყველაფერი დეტალურად განვიხილოთ. ამისთვის გყვავს გენერალური ინსპექცია, ყველაფერი იქნება შესწავლილი და თუკი ღირსების შელახვის ფაქტებს ადგილი აქვს, აუცილებლად მოხდება რეაგირება",-განაცხადა გიორგი მღებრიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან