2015-09-01 14:08:07, 923 ნახვა

---

რატიანი: ხელისუფლება არაადეკვატურად იქცევა, როცა ეკონომიკის წარუმატებელი მინისტრი საგარეო მიმართულებით გადაყავთ

"ერთიანი ნაციონალური მოძრაობის" წევრი სერგო რატიანი სამთავრობო გადაადგილებებს გამოეხმურა. როგორც მან ჟურნალისტებს განუცხადა, ხელისუფლება არაადეკვატურად იქცევა,  "როცა ეკონომიკის წარუმატებელი მინისტრი, საგარეო საქმეთა მინისტრად გადაჰყავთ".

"ხელისუფლება არაადექვატურად იქცევა. ეკონომიკის წარუმატებელი მინისტრი, მინისტრი იმ გუნდისა, რომელმაც ქვეყანა ეკონომიკურ კრიზისში შეიყვანა, გადაყავთ ახლა უკვე საგარეო მიმართულებით, მაშინ როდესაც, რბილად რომ ვთქვათ, მისი კომპეტენცია არავისთვისაა ცნობილი,"- განაცხადა სერგო რატიანმა და აქვე დასძინა,  რომ მერიამ ბოლო დროს თავი საზოგადოებას სისტემური კორუფციით დაამახსოვრა.

ეკონომიკისა და მდგრადი განვითარების მინისტრი გიორგი კვირიკაშვილი დიმიტრი ქუმსიშვილმა შეცვალა, თავად გირგი კვირიკაშვილმა კი, საგარეო საქმეთა მინისტრის პოსტი დაიკავა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი