საქართველოს ბანკის გენერალური დირექტორი ირაკლი გილაური პროგნოზირებს, რომ ლარი დოლართან მიმართებაში გამყარებას დაიწყებს. 

როგორც გილაურმა ჟურნალისტებს განუცხადა, ამის თქმის საფუძველს საქართველოში შექმნილი კარგი მაკროეკონომიკურ-ფუნდამენტური მდგომარეობა აძლევთ.

გილაურის შეფასებით, საქართველოს ეკონომიკა წელს მინიმუმ 3 %-ით გაიზრდება.

„ჩვენ ვფიქრობთ, რომ ეკონომიკა წელს მინიმუმ 3 %-ით გაიზრდება და ვპროგნოზირებთ, რომ ლარი გამყარებისკენ წავა. იქიდან,გამომდინარე, რომ მაკროეკონომიკურ-ფუნდამენტური მდგომარეობა ქვეყნაში მართლაც კარგია ჩვენ მოვიზიდეთ 90 მილიონი დოლარი 10 წლიანი კაპიტალი, რათა მხარი დავუჭიროთ ამ ზრდას, მხარი დავუჭიროთ მცირე და საშუალო ბიზნესს და ეს კიდევ უფრო დადებითად აისახება საქართველოს ეკონომიკაზე. ლარის ოპტიმისტური საფუძველი ჩვენი გადმოსახედიდან არის რამდენიმე მომენტით გამოწვეული. პირველი, რომ სავაჭრო დეფიციტი მნიშვნელოვნად შემცირდა, 18%-ით შემცირდა, ტურისტების რაოდენობა მნიშვნელოვნად გაზრდილია, ვალუტის შემოდინება იზრდება,  შესაბამისად მაკროეკონომიკურ-ფუნდამენტურ მონაცემებს, რომ შეხვედოთ ლარი უნდა გამყარდეს“,-განაცხადა ირაკლი გილაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.