ე.წ. სამხრეთ ოსეთში რუსეთის პრეზიდენტის არჩევნებში მონაწილეობა 17 500 ადამიანმა მიიღო, - ამის შესახებ "სპუტნიკ-ოსეტია" ოკუპირებულ რეგიონში დე-ფაქტო საელჩოზე დაყრდნობით იუწყება.

მედია საშუალების ინფორმაციით, პუტინმა ხმების 92,8% მიიღო.

"2012 წლის საპრეზიდენტო არჩევნებთან შედარებით აქტივობის მაჩვენებელი 20%-ით გაიზარდა. შეიძლება ითქვას, რომ აქტივობა ძალიან მაღალი იყო, რადგან მონაწილეობა არჩევნებში 17.5 ათასმა ადამიანმა მიიღო", - აცხადებენ დე-ფაქტო საელჩოში.

ცნობისთვის, ოკუპირებულ აფხაზეთში რუსეთის პრეზიდენტის არჩევნებში ვლადიმერ პუტინმა ხმათა 94,1% მიიღო.

შეგახსენებთ, რუსეთში საპრეზიდენტო არჩევნები 18 მარტს ჩატარდა. არჩევნებში კვლავ მოქმედმა პრეზიდენტმა, ვლადიმერ პუტინმა გაიმარჯვა. რუსეთის ცესკოს ცნობით, პუტინმა ამომრჩეველთა ხმების 76.6% მიიღო.

ავტორი: ,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა