ვალეში უცნობმა პირებმა კათოლიკური სიწმინდეები დაწვეს.

ინფორმაციას კავკასიის ლათინ კათოლიკეთა სამოციქულო ადმინისტრაცია ავრცელებს.

მათი ცნობით, წმინდა ნინოს მცირე სამლოცველოსთან, სადაც მართლმადიდებლური და კათოლიკური ხატები და ლოცვის კრებულები მუდამ ერთად იყო შენახული, ვანდალურად დაწვეს მხოლოდ კათოლიკური სიწმინდეები.

ამასთან დაკავშირებით ვალეს ღვთისმშობლის შობის კათოლიკური ეკლესიის წინამძღვარი მღვდელი მიხეილ სურმავა განცხადებას ავრცელებს:

"გამომდინარე დღევანდელი ვანდალური ფაქტიდან, რომელიც ვალეში წმ. ნინოს სახელობის სამლოცველოში მოხდა, სადაც დაწვეს კათოლიკური ეკლესიის ლოცვის წიგნები და ხატები (სასაფლაოებთან). მე, ქ.ვალის ღვთისმშობლის შობის სახელობის კათოლიკური სამრევლოს წინამღვარმა გადავწყვიტე, რომ ამა წლის 25 მარტს 12:00 საათზე ბზობის საზეიმო პროცესია დავიწყოთ არა ჩვეულებისამებრ ქვედა სამლცველოდან, (საიდანაც იყო ხოლმე). არამედ ზუსტად წმ. ნინოს სამლოცველოდან. დაე ყველამ დაინახოს, რომ ჩვენ ვარსებობთ, დაინახონ, რომ ეს ეკლესია გვეკუთვნის ჩვენ ყველა ქრისტიანს. ამ ფაქტს ვაფასებ, როგორც ვანდალურ ქმედებას. ღმერთი მოწყალე და სამართლიანია. ჩვენ ვლოცულობთ ამის ჩამდენთათვის და დარწმუნებული ვარ ადრე თუ გვიან სიმართლეს ფარდა აეხდება“, - ნათქვამია მიხეილ სურმავას განცხადებაში.

მომხდარზე შსს-მ გამოძიება სისხლის სამართლის კოდექსის 166–ე მუხლით დაიწყო, რაც პოლიტიკური, საზოგადოებრივი ან რელიგიური გაერთიანების შექმნისათვის, ან მისი საქმიანობისათვის ხელის შეშლას გულისხმობს.

ავტორი: ,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი