აჭარის ა.რ. მთავრობის თავმჯდომარე ზურაბ პატარაძე ხულოს მუნიციპალიტეტში არსებულ მდგომარეობას ადგილზე გაეცნო. გაიმართა შტაბის სხდომა, რომელსაც აჭარის მთავრობის თავმჯდომარე ხელმძღვანელობდა.

მუნიციპალიტეტის ხელმძვანელ პირებთან და საავტომობილო გზების დეპარტამენტის უფროსთან, არჩილ ჩიქოვანთან ერთად ზურაბ პატარაძემ სამსახურების უფროსებისგან სტიქიის სალიკვიდაციო სამუშაოების შესახებ ინფორმაცია მოისმინა. 

უამინდობამ დააზიანა ელექტროგადამცემი ხაზები, რის გამოც დღის განმავლობაში ელექტროენერგია 2 000 -მდე აბონენტს არ მიეწოდებოდა. რეგიონის ხელმძღვანელი დღესვე „ენერგო-პრო ჯორჯიას" წარმოამდგენლებს შეხვდა, რომლებიც მუნიციპალიტეტის სხვადასხვა ლოკაციებზე არსებულ დაზიანებების აღმოფხვრაზე მუშაობენ. 

„ძალიან მნიშვნელოვანია ცენტრალური გზის მოწესრიგება. ვინაიდან, როგორც იცით აქტიური სამთო-სათხილამურო სეზონია. გოდერძის უღელტეხილზე დიდი რაოდენობით ტურისტი იმყოფება. სწორედ ამიტომ ჩვენ გვჭირდება უსაფრთხო გზა, უსაფრთხო მიმოსვლა, მოწესრიგებული ინფრასტრუქტურა. სამუშაოები ინტენსიურ რეჟიმში მიმდინარეობს. ყველა სამსახურს მიეცა შესაბამისი დავალება, რათა დროულად მოხდეს გზების გაწმენდა" -  განაცხადა ზურაბ პატარაძემ. 

დღესვე, პატარძემ მთის განვთარებაზე ისაუბრა. მისი განცხადებით, გაზიფიცირება და ინფრასტრქუტურის გაუმჯობესება მთაში ვიზიტორებს მოიზიდავს.

აჭარის საავტომობილო გზების დეპარტამენტის უფროსის, არჩილ ჩიქოვანის განცხადებით, აჭარის მაღალმთიანეთში გზების გაწმედით სამუშაოებს 24 საათიან რეჟიმში 40 ერთეული ტექნიკა ახორცილებს.  თოვლის საფარი მაღალი ზონის სოფლებში 1 მეტრს აჭარბებს , ხოლო დაბლობში ნახევარ მეტრზე მეტია. 

უამინდობას ბათუმი-გოდერძის ხულოს მონაკვეთზე პორბლემები არ შეუქმნია. თუმცა უხვი ნალექის გამო შიდა სასოფლო გზებზე მოძრაობა ისევ შეზღუდულია, 
განსაკუთრებით მსუბუქი ავტომობილებისთვის. 

ხულოს მუნიციპალიტეტში უხვი ნალექის გამო 20 საბავშვო ბაღიდან სააღმზრდელო პროცესი არცერთში არ განახლებულა , სასწავლო პროცესი შეწყდა ასევე 33 საჯარო სკოლაში. 
ამ დროისთვის ხულოში გამოიდარა, რაც ხელს შეუწყობს გაწმენდითი სამუშაოების წარმართვას და ბაღებსა და სკოლებში სასწავლო პროცესის აღდგენას. 

 (NS)

ავტორი: ,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა