დღეს მიხეილ მესხის სახელობის სტადიონის სათადარიგო მოედანზე საქართველოს ბეისბოლის ახალგაზრდულ ნაკრებსა და ამერიკელ საზღვაო ქვეითთა გუნდ „მეომრებს“ შორის ბეისბოლში ამხანაგური მატჩი გაიმართა. 

თავდაცვის სამინისტროს ინფორმაციით, სპორტული ღონისძიება საერთაშორისო სამშვიდობო მისიებში დაშავებულ მეომრებსა და დაღუპულ სამხედრო მოსამსახურეთა ხსოვნას მიეძღვნა. 

უწყების ცნობით, ამხანაგურ მატჩს საქართველოს შეიარაღებული ძალების გენერალური შტაბის უფროსის მოადგილე, ბრიგადის გენერალი შალვა ჯაბახიძე და სამშვიდობო მისიებში დაშავებული სამხედროები დაესწრნენ. 

სპორტული ღონისძიება საქართველოს თავდაცვის სამინისტროსა და საქართველოს ბეისბოლისა და სოფტბოლის ეროვნული ფედერაციის ორგანიზებით ჩატარდა.

ამხანაგური მატჩები ბეისბოლში საქართველოს ეროვნული, ასევე ახალგაზრდული ნაკრებებისა და აშშ-ის საზღვაო ქვეითთა გუნდების მონაწილეობით უკვე მეშვიდე წელია იმართება. 
სპორტული ღონისძიება მიზნად „დაშავებული ქართველი მეომრების პროგრამის“ შესახებ საზოგადოების უკეთ ინფორმირებას ისახავს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია