„შეუძლებლად მიმაჩნია, თბილისში, ქალაქში, ცენტრალურ  უბნებში ადამიანი ჩატენონ მანქანაში, თავზე ტომარა ჩამოაცვან, თან ფორმიანებმა, ნიღბიანებმა  და ეს ვერ დაინახოს ვერავინ, ერთი მოწმეც არ გამოჩნდეს“,-ასე გამოეხმაურა ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი აზერბაიჯანელი ჟურნალისტის აფგან მუხთარლის საქმეს.

სუბარის თქმით, შესაძლო გატაცებაზე მხოლოდ აფგან მუხთარლი საუბრობს. ამასთან, სუბარი აღნიშნავს, რომ წინასწარი დასკვნების გაკეთებისგან თავს იკავებს და გამოძიების შედეგებს ელოდება.

„შესაძლო გატაცება, შესაძლო არ გატაცებაზე ლაპარაკი არ არსებობს ერთი წყაროს გარდა, ეს არის თვითონ აფგან მუხთარლი და  მისი ადვოკატები. თბილისის ნებისმიერ უბანში, ყველაზე მიყრუებულშიც კი, არ ვამბობ ჩიტაძის ქუჩაზე და ცენტრში, ადამიანს რომ დახვდეს ვიღაც, თავზე ტომარა ჩამოაცვას, ჩატენოს მანქანაში, საბარგულში, მინიმუმ  20-30 ადამიანი იქნება, ვინც ამას ვიდეოზე  აღბეჭდავს და იქნება სოციალურ ქსელებში გავრცელებული. არ გამოჩნდა ამ ხნის განმავლობაში ერთი ადამიანიც კი ვინც იტყოდა, რომ მათ თავზე რაღაც საეჭვო მოხდა. მე ასეთი რამ ვერ წარმომიდგენია. მიუხედავად ამისა, სანამ გამოძიება დასრულდება, წინასწარ დასკვნებს არ ვაკეთებ, მაგრამ შეუძლებლად მიმაჩნია, თბილისში, ქალაქში, ცენტრალურ  უბნებში ადამიანი ჩატენონ მანქანაში, თავზე ტომარა ჩამოაცვან, თან ფორმიანებმა, ნიღბიანებმა  და ეს ვერ დაინახოს ვერავინ, ერთი მოწმეც არ გამოჩნდეს“,-განაცხადა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი ორბანის არჩევნებში დამარცხებაზე: სიძულვილით გამარჯვება შეუძლებელია

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა