2017-06-09 15:34:51, 2156 ნახვა
კომენტარი
კობახიძე: ვენეციის კომისიას არ უთქვამს, დოკუმენტი ირმა ინაშვილს და სერგი კაპანაძეს დაუმალეთო
საქართველოს პარლამენტის თავმჯდომარემ ირაკლი კობახიძემ კიდევ ერთხელ განმარტა, რომ ვენეციის კომისიის სურვილი იყო, წინასწარი დასკვნა არ გამოქვეყნებულიყო.
იურიდიულ საკითხთა კომიტეტის სხდომაზე ირმა ინარშვილმა უკმაყოფილება გამოთქვა, რომ მას დოკუმენტი არ მიაწოდეს.
ინაშვილის თქმით, უხერხილია, როცა დოკუმენტი ვიცე-სპიკერებს არ მიაწოდეს. სწორედ ამას, მოჰყვა ირაკლი კობახიძის მხრიდან კიდევ ერთი განმარტა. კობახიძემ აღნიშნა, რომ დოკუმენტი პარლამენტის წევრებისთვის არ მიუწოდებიათ.
"ვინაიდან, დოკუმენტი სამუშაო ვერსია იყო, ვენეციის კომისიამ წინასწარ გადმოაგზავნა, რათა დოკუმენტზე კომენტარები დაფიქსირებულიყო. ირმა ინაშვილსა და სერგი კაპანაძეს დაუმალეთო, ეს კი არ უთქვამთ", - მიმართა კობახიძემ ირმა ინაშვილს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
