მთავარი პროკურორის ირაკლი შოთაძის განცხადებით, აზერბაიჯანელი ჟურნალისტის საქმესთან  დაკავშირებით საგამოძიებო მოქმედებები მიმდინარეობს.

შოთაძის თქმით, გამოძიების ინტერესებიდან გამომდინარე ამ ეტაპზე დეტალებზე ვერ ისაუბრეს. ამასთან, შოთაძე არ საუბრობს, როგორ დატოვა მან ქვეყანა, როდესაც თან არ ჰქონდა საიდენტიფიკაციო დოკუმენტები.

„მე ვერ გეტყვით როგორ დატოვა მან ქვეყანა. მე შემიძლია გითხრათ, რომ შსს-ში დაწყებული გამოძიება. მიმდინარეობს ყველა შესაბამისი საგამოძიებო მოქმედება. თუმცა, ამ ეტაპზე გამოძიების ინტერესებიდან გამომდინარე დეტალებზე ვერ ვისაუბრებ. ყველაფერს გაარკვევს გამოძიება“, - აღნიშნა შოთაძემ.

კითხვაზე, შესაძლებელია თუ არა საქართველოში რომელიმე პირის პასუხისმგებლობის საკითხი დადგეს, შოთაძემ უპასუხა, რომ გამორიცხული არაფერია.

ცნობისთვის, შსს-მ აზერბაიჯანელი ჟურნალისტის საქმეზე გამოძიება თავისუფლების უკანონო აღკვეთის მუხლით დაიწყო.

შეგახსენებთ, 29 მაისს თბილისში აზერბაიჯანელი ჟურნალისტი და აქტივისტი, აფგან მუხთარლი გაუჩინარდა. მოგვიანებით დადგინდა, რომ იგი პიროვნების დამადასტურებელი დოკუმენტაციის გარეშე, აზერბაიჯანში გადაიყვანეს. აფგან მუხთარლი ამჟამად ბაქოშია დაპატიმრებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს