მამა გიორგი მამალაძისთვის სახაზინო წესით დანიშნული ადვოკატის, პაატა მეხრიშვილის განცხადებით, დღევანდელ სასამართლო პროცესზე მათ დააყენეს საკუთარი თავის აცილების შუამდგომლობა, ვინაიდან მიიჩნევდნენ, რომ ბრალდებულს ჰყავდა ადვოკატები შეთანხმებით და მათი საქმეში მონაწილეობა სავალდებულო აღარ იყო.

თუმცა, მისივე განმარტებით, სასამართლომ მიიჩნია, რომ სახაზინო წესით დანიშნული ადვოკატები მაინც უნდა დარჩენილიყვნენ საქმეში და დაეცვათ ბრალდებულის ინტერესები.

ამასთან, პაატა მეხრიშვილმა აღნიშნა, რომ მამა გიორგი მამალაძემაც გამოთქვა სურვილი, საქმეში მათი მონაწილეობის თაობაზე.

„დღევანდელ პროცესზე დავაყენეთ შუამდგომლობა, ვინაიდან ბრალდებულს ჰყავდა ადვოკატები შეთანხმებით, მომხდარიყო ჩვენი საქმიდან აცილება, რადგან სახელმწიფო მხოლოდ მაშინ გაიღებს დაცვის ხარჯებს, თუ ბრალდებულის დაცვა სავალდებულოა და მას არ ჰყავს დამცველი შეთანხმებით. ამ შემთხვევაში მას ჰყავდა დამცველი შეთანხმებით, შესაბამისად, ჩვენი მონაწილეობა სავალდებულო აღარ იყო. თუმცა, სასამართლომ მიიჩნია, რომ ჩვენ მონაწილეობა მაინც უნდა მიგვეღო საქმეში და დაგვეცვა ბრალდებულის ინტერესები. მამა გიორგიმაც ჩათვალა, რომ ჩვენი მონაწილეობა მის ბრალდებას წაადგებოდა. სასამართლომ მიიღო გადაწყვეტილება, სხდომაზე დავრჩენილიყავით. ამ ადვოკატებთან ერთად, მამა გიორგის უფლებებს დავიცავთ“, - აღნიშნა პაატა მეხრიშვილმა და დასძინა, რომ ვინაიდან არ იცნობენ საქმის მასალებს, მოსამზადებლად გარკვეული დრო სჭირდებათ.

აქედან გამომდინარე, ე.წ. ციანიდის საქმეზე სასამართლო სხდომა 9 ივნისამდე გადაიდო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი