პარლამენტის თავმჯდომარის ირაკლი კობახიძის განცხადებით, საქართველოს დამოუკიდებლობის აღდგენის პირველი დღიდან უწევს უთანასწორო ბრძოლა სუვერენიტეტისა და ტერიტორიული მთლიანობის დასაცავად.

როგორც კობახიძემ თბილისში მიმდინარე ნატო-ს საპარლამენტო ასამბლეის საგაზაფხულო სესიაზე სიტყვით გამოსვლისას აღნიშნა, საქართველოს საქმეებში უხეში ჩარევით, კონფლიქტების გაღვივებით, პირდაპირი სამხედრო აგრესიითა და ბოლოს მცოცავი ანექსიით, რუსეთის პოლიტიკური ლიდერები ცდილობენ, შეაჩერონ ქართველი ხალხის სწრაფვა თავისუფლებისკენ.

„ მთელი მსოფლიო ხედავს, რომ ჯერ კიდევ 90-იან წლებში, საქართველოში აპრობირებული მეთოდებით, დღეს მოსკოვი ცდილობს,  ადამიანები და ხალხები დააშინოს. გათიშოს და იბატონოს ყველგან, სადაც ამის საშუალება მიეცემა-საქართველოს ოკუპირებულ ტერიტორიებზე, აფხაზეთსა და ცხინვალის რეგიონში, ყირიმსა და დონბასში, აღმოსავლეთ ევროპასა, თუ ახლო აღმოსავლეთში. ამის საპასუხოდ ქართველმა ხალხმა აირჩია დემოკრატიის და შემწყნარებლობის გზა. ჩვენი მშვიდობიანი, მაგრამ მტკიცე წინააღმდეგობა აუცილებლად გამოიღებს შედეგს. ჩვენი მეგობარი ქვეყნების დახმარებით, საქართველო შეძლებს,  კიდევ უფრო განამტკიცოს თავისი სახელმწიფოებრიობა და გაწევრიანდეს მსოფლიოს წამყვან გაერთიანებებში-ევროკავშირსა და ჩრდილოატლანტიკურ ალიანსში“,-განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო