გენერალური აუდიტორის ლაშა თორდიას განცხადებით, ის გამოძიებას სრულ უნდობლობას უცხადებს.

როგორც არასამთავრობო ორგანიზაციებთან შეხვედრის შემდეგ თორდიამ ჟურნალისტებს განუცხადა, დასკვნა, რომელზეც აუდიტორები დღესაც მუშაობენ და რომელსაც ოთარ ფარცხალაძესთან მომხდარი ინციდენტი უკავშირდება, აუცილებლად გამოქვეყნდება.

თორდიას განმარტებით,  იმ მუხლით, რითაც სავარაუდო  დანაშაულის  კვალიფიკაცია მოხდა, კამერების ამოღება ნებადართული არ არის. მისივე შეფასებით, ეს იმას ნიშნავს, რომ რეალურად გამოძიების ჩატარება არ სურთ:

„კიდევ ერთხელ ვისაუბრეთ მომხდარ ინციდენტზე, ვისაუბრეთ დასკვნაზე. აუდიტორები დღესაც მუშაობენ იმისათვის, რომ ყველა მტკიცებულება მოიპოვონ და გახდეს საჯარო. ორშაბათ, სამშაბათს ამ დასკვნასთან დაკავშირებით ცალკე შეხვედრა გაიმართება. აქ საუბარია ამ ინსტიტუციის არსებობა არ არსებობაზე. ეს ნიშნავს თავდასხმას ინსტიტუციაზე, რომლის მთავარი ფუნქციაა კორუფციული, თუ არაეფექტური ხარჯების გამოვლენა. გამოძიებას სურს არ დასრულდეს და არ შედგეს გამოძიება.  იმ მუხლით, რითიც მოხდა კვალიფიკაცია ამ დანაშაულის, კამერების ამოღება ნებადართული არ არის. ისინი მიმართავენ სასამართლოს და სასამართლო უარს იტყვის. ამასობაში ეს კამარები წაიშლება. საუბარია იმაზე, რომ ამ ადამიანებს გამოძიების ჩატარება არ უნდათ. ეს მიმართულია მხოლოდ ჩემი დისკრედიტაციისაკენ“,-განაცხადა ლაშა თორდიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს