მამუკა მდინარაძის განცხადებით, წინასწარ ჰქონდათ ინფორმაცია, რომ გარკვეული პირები განხილვის ჩაშლას აპირებდნენ

2017-05-15 13:35:33, 2066 ნახვა

პოლიტიკა კომენტარი

ფრაქცია „ქართული ოცნების“ თავმჯდომარის, მამუკა მდინარაძის განცხადებით, მათ წინასწარ ჰქონდათ ინფორმაცია, რომ გარკვეული ჯგუფები კონსტიტუციური ცვლილებების საყოველთაო სახალხო განხილვის ჩაშლას აპირებდნენ.

მისი თქმით, მათ შეგნებულად არ დაასახელეს იმ ორგანიზაციების წარმომადგენლები, რომლებიც პროვოკაციას გეგმავდნენ.

„ეს იყო პროვოკაცია და ეს იყო კარგად ორგანიზებული, მიმართული ჩაშლისაკენ, პროგრესული პროცესის დისკრედიტაციისაკენ. ჩვენ ამის შესახებ წინასწარ გვქონდა ინფორმაცია. შეგნებულად თავი ავარიდეთ ორგანიზაციების და იმ პირების დასახლებას, რომლებიც ამას გეგმავდნენ. ძალიან ცუდია, როდესაც მათ ჰგონიათ, რომ ვინმე გულწრფელად, რომ დღევანდელი დღის ჩაშლით კარგ საქმეს აკეთებენ. ეს რბილად რომ ვთქვათ შეცდომაა“, - აღნიშნა მდინარაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან